E aña aki Brazil Taekwondo Stichting ta organisa e di 23 Best of the Best y tin 9 Pais Internacional ta participa. Na aña 1995 nos a organisa nos prome Best of the Best den Marinierskazerne na Savaneta y Leo Vrolijk di Bon dia Aruba a saca e bunita potret di ex campeon Mundial y coach Olimpico Henk Meijer.
Un paar di aña despues Seever Krozendijk di 297Sports, Pedro Maduro d.f.m y Randy Dirksen di Diario, Alric Kock di www.sportsaruba.com a saca e bunita shotnan. Na aña 2017 Noel Werleman di 297Sports a saca e Best Shot. Nos ta corda bon tempo Willy Willems a sigui cu e Best Shot den Lago Sport Park y prensa tabata na grandi sacando e Best Shot.
E aña aki nos kier trece e harmonia ey bek den prensa unda cu prensa ta bay competi contra di otro den forma di saca e miho potret di Best of the Best Taekwondo Challenge 2018. E persona cu saca e Best Shot lo gana un biahe pa Surinam pa bay hunto cu e team di TK5 na aña 2019 cu tur gasto paga.
Mi mester pone bon cla cu ta e persona cu saca e potret ta bay y no e secretaria, pasobra na Surinam e persona lo tin cu saca potret pa traha su relato.
Si bo persona ta bin pa Best of the Best Taekwondo Challenge 2018, please avisa pa asina tin bo carchi di VIP cla pa dia 17 di November. N.B. Anochi si lo no por haci uso di flash.
E evento ta cuminsa pa 10’or di mainta cu e categorianan Infantil, Cadet, Junior y algun Senior. Anochi 7’or lo cuminsa cu nos streyanan: Monica Pimentel, Záhyon Klabér, Stuart Smit, Jourdé Klabér y Chiara Petrocchi.
Pa mas informacion por email mi persona na: [email protected].