Despues di basta aña nos ta bolbe bin bek cu e Best Photo Shot na Best of the Best 2017. Esaki tabata un idea di Willy Willems pa prensa competi contra di otro pa e miho potret saca. Nos conoce varios persona cu a yega di gana esaki caba den pasado. E aña aki e premio ta bay ta mas grandi.
Kico bo mester haci pa bin na remarca pa gana e premio di Best Photo Shot 2017 ta lo siguiente:
1. Mester por saca e best shot, esaki mester wordo publica ariba bo website, corant, facebook etc. Mester manda esaki na [email protected]
2. NO MAG di haci uso di FLASH.
3. E potret mester ta di Best of the Best di dia 11 di November 2017.
4. Si bo no tin website, facebook, corant etc, semper por acudi na esun cu tin esaki y bosonan por bay di acuerdo cu otro.
5. Orario pa saca potret ta for di 10’or di mainta te cu 6’or di atardi of te ora cu e campeonato caba.
6. Por haci uso di mas cu un camara of persona di bo team mes.
7. Klaber no ta participa na esaki.
8. E potret lo wordo escogi door di nos huradonan, kendenan ta Grand Master y Master den Taekwondo aki na Aruba.
9. E premio lo wordo ortoga dia 12 di December 2017 durante di e Cena di Pasco di Brazil Taekwondo Stichting.
10. Te cu awo aki nos tin 9 pais cu ta participa na Best of the Best 2017. E paisnan ta: Aruba, Jamaica, Surinam, USA, Chile, Colombia, Venezuela, Brazil, Uruguay y Corsou. Esaki ta e lista cu mi a ricibi for di www.mundotaekwondo.com ta cu ta e promotor di Best of the Best 2017.
11. Por saca potret full rond di e veld.
12. NO mag di subi ariba e veld.
13. Mag di haci uso di trapi, pero cu un otro hende pa tene esaki, si bo ta desea di saca potret di Aruba.
14. No mag di haci uso di Video pa potret, esaki mester ta potret saca for di bo camara y e calidad mester ta bon.
15. NO ta haci uso di Iphone pa saca potret, camara so.
16. Mi no ta bay manda un recordatorio, si bo persona ta interesa pa participa na e Best Shot, djis pone 11 di November 2017 den bo agenda pa bo no perde bo oportunidad di gana un bunita premio.