Despues di e vuelo di e avion Hurricane Hunter ya cu tin dos avion americano cada ora ta bula den e sistema, e update di 11’or di anochi di NOAA ta informa cu datonan acomula ta indica cu bientonan a subi y e maximo sosteni ta casi 160 mph cu ta 260kmh cu ta rafaganan basta halto. Awor Beryl a bira un categoria potencia catastrofico, prome biaha den historia cu asina liher den temporada di horcan den Juli ta conoci un categoria asina halto.
E horcan ta pariba di Boneiro cu a bira e categoria 5. Diamars durante dia pa merdia e ta pasando costa nort di islanan ABC den Caribe. E pais cu lo haya un sla y ta riba un warning ta Jamaica ya cu pa diaranson e wowo ta pasa riba Jamaica di punta pa punta.