CARACAS, Venezuela- Dialuna a cuminsa e benta di petro na Venezuela, e criptomoneda di e pais Suramericano, pa esunnan cu kier cumpr’e cu divisanan convertibel of otro monedanan digital.
E operacion aki por wordo haci a trabes di e oficinanan autorisa pa e Superintendencia Nacional di Criptoactivo y Actividades Conexas (Sunacrip), ubica den e centro di Caracas, segun e vice presidente di e area economico, Tareck El Aissami, a bisa dia 25 de october ultimo.
Personanan cu tin moneda stranhero (euro, dollar, yuan, ruble) of criptomoneda (bitcoin of litecoin), entre otro, tambe lo por cumpra petro a trabes di e porta petro.gob.ve of via di e ‘exchanges’ (sitionan pa opera entre varios divisa).
Te cu awo, e firma di contratonan di compra den petro ta supera e 500 miyon dollar, cual a wordo delanta door di e gobierno Venezolano.
Door cu dia 15 di october ultimo, e compania Google a cancela e aplicacion di cartera digital, usuarionan por hacii nan operacion a trabes di e portal oficial di oficial di petro, unda nan lo ricibi nan certificado di compra.
Con ta cumpra petro?
Personanan interesa den compra di e criptodivisa Venezolano apoya den recursonan natural manera petroleo, oro, hero y diamante, tin dos opcion pa haci esaki: a trabes di e Tesoreria Nacional de Criptoactivos of di e ‘exchanges’.
Den e prome caso, nan lo mester registra riba e pagina di petro, spera pa Tesoreria realisa e validacion, realisa e pago correspondiente den moneda stranhero of criptodivisa, spera e confirmacion di e operacion y ricibi den e cartera digital e cantidad di criptomoneda Venezolano cumpra. Ta importante pa tin tur e documentonan personal na man.
Si e operacion ta via un ‘exchange’, e pasonan pa sigui ta mescos”registra, valida, paga, ricibi confirmacion y haya e petro.
Desde 1 di november, segun Joselit Ramirez, encarga cu criptoactivo y actividadnan conexas di Venezuela, lo autorisa un number di telefon gratis 0800 SUNACRIP, (0800-78622747), dispuesto pa resolve cualkier duda di e usuarionan.
Spaar den petro
Dialuna e presidente di Venezuela, Nicolas Maduro, a anuncia cu e ciudadanonan lo cobra e prome luna di nan bonus. Segun e ley laboral di e pais, la ley laboral del pais Suramericano, e pago di fin di aña ta entre 1 luna di salario te cu 4 luna.