E mundo di politica na Aruba a conoce un cambio den e temporada cu e pueblo lo mester a bai na urnanan electoral pa deposita nan voto riba un partido politico cu lo representa e voz di pueblo den Parlamento di Aruba. E organo mas halto den nos comudidad cu lo mester percura pa e Pais aki di Aruba lo worde goberna den e mihor forma. Ta un tradicion cu e temporada aki ta contene un sin fin di desaroyonan interesante. E creatividad di partido nan cu ta bai e contienda electoral ta traha un plan nan di gobernacion pa asina por bende e idea na e pueblo votador pa asina nan hanja e confiansa pa controla e proximo gobierno di Aruba. E comerciante / politico Sr. David Luis Benjamin Francees a apararece riba e lista di Partido CURPA den e ultimo eleccion na 2017 na # 2 den e lista. Benjamin Francees ta hopi conoci e tempo ey den deporte y specialmente hopi serca di Baseball unda ela dirigi organisacion di Baseball di muchanan den bario rond Paradera / Piedra Plat, cu tawata conoci den Giants Baseball Organization. Sr. Benjamin Francees ta propietario di un compania di Seguridad cu desde 1999 ta activo den brinda seguridad na su clientenan, den nomber di Benjamin Security Services NV. Pa 2021 den e temporada di Eleccion 2021 Sr. Francees a tuma e decision pa distancia su mes di Partido Politico CURPA y lo enfoka mas den comercio. E mundo politico na Aruba ta pasando den momentonan di retonan grandi, unda labor, social, economia, husticia, ta sufriendo. Nos kier a desea tur politiconan activo hopi exito y cu Aruba lo sa di escoge tremendo politiconan / gobernantenan pa nos Pais. Por ultimo nos kier a laga un punto duidelijk: pa nos tur pone energia positivo, hopi entusiasmo pa saca nos Pais dilanti.