Segun Parlamentario Chris Dammer, durante tratamento di presupuesto 2017 cu a tuma luga den Parlamento a discuti diferente beneficionan den mehoracion di poder di compra di nos ciudadanonan, den un miho bida y desaroyo en general. Den linea di locual a wordo treci dilanti por relata e sigiente aspectonan positivo pa pueblo:
Aumento di bijstand di Afl 375 pa 407 y siguientemente pa 450 entrante Januari 2017;
Introduccion di schoolkindertoeslag di Afl. 100 y despues pa Afl. 200 pa cada mucha di un mama cu ta cobra bijstand. Siguientemente esaki lo wordo aumenta pa entrante Januari Afl 250;
Familielid bijslag pa un familia cu ta biba di bijstand – cual ta e suma cu bo ta haya pa cada miembro di famia extra banda di esun cu ta haya bijstand. Esaki a subi di Afl 140 pa 175 y pa 2017 esaki lo bolbe wordo aumenta pa Afl. 200;
Si wak un mama soltera cu ta cobra bijstand cu 2 yu. Prome cu 2009 esaki tabata Afl. 655 y awor entrante 2017 esaki lo wordo aumenta te Afl 1.350, cual ta mas cu un redoblacion, na unda ya a aumente, pa Afl.1.157 anteriormente
Introduccion di un pensioen general. Awe en dia cu e ley aki tur hende banda di e pensioen di biehes ta acumula un pensioen propio pa un miho mañan pa nan mes;
A bin cu reparatie toeslag na 2012 di cual pensioenadonan (AOVers) a haya Afl. 50 y trahadonan cu ta gana te un maximo di Afl 2.500 pa luna un maximo di Afl. 75 pa luna. Na 2013 a aumenta e repartietoeslag pa nos pensioenadonan pa Afl. 100,00;
Pensioen pa esnan cu ta cuida nos grandinan, na SABA. Gabinette Mike Eman I a duna esnan cu ya tin hopi tempo un lumpsum y a duna e otronan e oportunidad pa drenta den e pensioen general;
Aumento di Pensioen pa nos grandinan (AOV) cu 2.3% entrante Januari 2017;
Aumento di salario minimo na 2 ocacion cu 2%, y un bes cu 2.5% y pa 2017 lo bolbe aumenta esaki cu 2% di Afl. 1.677,71 pa Afl. 1.711.26;
Mas di Afl. 5000 na progreso na indexering y toeslag pa tur empleado publico;
Inhaal grandi di diferente bevorderingen cu tabata pega pa e empleadonan publiko di hopi aňa;
Reduccion di prijs di coriente residencial na 2012 di 15% – cu a subi despues cu 8% – y entrante di 1 Jan 2016 a bolbe baha esaki cu 10% pa un subtotal di reducion di 17%. Entrante Januari 2017 esaki lo bolbe baha cu 15% pa un total di 32% den 7 aña;
Reduccion di prijs comercial di coriente di 5% entrante Januari 2017;
Na 2012 prijs di awa a wordo reduci cu 30%;
Reduccion di prijs di coriente cu casi 50% pa mas di 40 veld di deporte na Aruba;
Reduccion den studielening si paga esaki den un sola bes di 30% cu a wordo introduci a wordo aumenta pa 35% entrante Januari 2017, cu e posibilidad di reducion completo haci ariba e studilening pa aña for di impuesto, te cu un maximo di Afl.10.000;
Renobacion di centro di ciudad Oranjestad cu un cantidad di projectonan;
Renobacion di centro di ciudad San Nicolas cu un cantidad di proyecto, manera entre otro, Lago Heights hill park, Joe Laveist sport park, Pastoor Hendrikstraat, Carnival Village fase I, museum Industrial den un watertoren renoba, promenada cu un otro museum, etc.
Renobacion di barionan. Proyectonan nan cantidad. Renobacion di Juana Morto, Esso Height, De Vuyst, Village, Pos Chikito, Madiki, Bushiri, Jara, Seroe Patrishi, Cura Cabai, kerkplein Santa Cruz y diferente otro barionan;
Renobacion di diferente scol rond di Aruba;
A trece iluminacion den diferente barionan y renobacion di diferente luz di caya;
A crea respet y dialogo cu gremionan den dialogo social. Diferente logronan cu participacion di tur esnan cu ta involucra;
Aruba ta liderando den mundo cu su vision Berde y sostenibilidad;
Introduccion di sociale vorming pa yuda nos hobennan cu ta den un of otro forma di dificultad;
Cu tur e inversionnan cu e diferente projectonan a baha e desempleo di ariba 12% na aña 2009 te cu mas o menos 7% na e momentonan aki y cu CITGO esaki lo sigui baha pa 5% pa 2017, aliviando problemanan social cu esaki ta trese cu nan;
Un progreso positivo den entradanan di nos turistanan di 2009 pa 2015. Aumento den stay-over visitors te 1.224.935 bishitante (+51.2%), Tourism Receipt te 2.94 bilj (+34.2%), y a aumenta di e Revenue per Available room te US$ 187.66 (+45.4%).
Reformanan di nos fondonan di SVB, AOV y AZV.
Y asina nos por sigui nombra un cantidad di proyecto di infrastructura cu ta andando.