Beneficionan di bebe juice di sorsaca

0
RBC Juli 2018
Funmiles-2018

Sorsaca ta un fruta ideal pa consumi tur dia, pa su eskisito sabor, su balor nutricional y su multiple beneficionan medicinal y curativo. E ta un fruta tropical rico den vitamina (C, B1 y B2) y mineral (magnesium, potasium, koper y hero) cu ta fortalece nos organismo.
Tambe e ta destaca pa su contenido halto di fibra, cu ta acelebra e proceso digestivo. E no ta un mata comun, pero si un opcion delicioso y ideal pa realisa un variedad di juice y bebida.
Ademas di su sabor, ora di bebe, lo bo disfruta di e variedad di beneficio cu tin pa bo salud.
1.E ta preveni cancer
Ta wordo comproba cu e juice di sorsaca ta yuda combati cancer y cualkier otro tipo di tumor maligno. E ta un di e poco remedinan natural cu tabata efectivo pa preveni tur tipo di cancer – especialmente di pecho, colon, prostaat y pulmon.
E juice di sorsaca ta ofrece accion antioxidante pa e organismo, ya cu e ta yuda elimina e toxinanan cu ta provoca enfermedadnan cronico manera cancer.
Pa e motibo aki ta recomenda bebe juice di sorsaca como un terapia natural cu ta compaña e procedimentonan medico den pashentnan cu cancer.

2. Ideal pa baha peso
E fruta aki ta yudabo baha peso, ya cu e ta contene poco caloria. Cada 100 gram di fruta, ta contene solamente 65 caloria.
Asina ta, e juice di fruta por ta hopi adecuado si nos kier perde peso.
Ingrediente
1 sorsaca hecho
1 ½ cup di lechi, lechi evapora of awa (375g)
1 cuchara chikito di nootmoskaat (4.7g) (opcional)
1 cuchara chikito di vanilla (14.3g) (Opcional)
½ cuchara chikito di ginger raspa (2,4g) (opcional)
1 cuchara di honing (25g) (opcional)
Preparacion
Pela e fruta y pon’e den un recipiente cu e lechi.
Primi e fruta cu bo mannan pa saca tur e juice den e lechi (E pasta cu keda entre bo mannan por kita nan).
Si e parce mucho complica bo por haci’e cu un blender, pero despues bo tin cu cola e juice pa kita e simianan y e parti fibroso di e fruta.
Despues agrega e resto di e ingredientenan na gusto.
E juice di sorsaca ta mas dushi si bebe friu of cu ijs.

3. Ta proteha bo organonan y ta retrasa embehecimento.
E sorsaca ta yuda preveni daño na e nervionan y ta mantene e curason sano.
Danki na su alto contenido di vitamina B1 e ta capas di acelera e metabolismo, di cual e ta sigura nos un circulacion y presion arterial adecuado.
Ademas, su aporte di vitamina B2 ta necesario pa e produccion di energia di e curpa, e funcion di e sistema nervioso y e mantenimento di e curason.
Su cantidadnan grandi di vitamina C ta convirti’e den un excelente antioxidante. Asina ta, e ta yuda aumenta e resistencia di e curpa y ta retrasa e proceso di embehecimento.

4.Ta preveni griep

Danki na su ya aporte menciona di vitamina C, e sorsaca tambe ta contribui na preveni y contraresta griep y verkoud.
Di e mesun manera, esaki ta contribui positivamente na e fortalecimento di e sistema imunitario, ya cu e ta aumenta nos defensa pa enfrenta e virus y bacterianan.
Su propiedadnan nutritivo ta permiti pa nos curpa mantene su mes saludabel.

5. Ta fortalece bo wesonan y ta preveni osteoporosis
Danki na su aporte di fosforus y calcium, e fruta aki ta ideal pa sigura nos un salud di weso y djente adecuado.
E ta wordo altamente conseha pa muhenan den etapa di menopausa, ya cu e ta un excelente forma di proteha e wesonan ante e perdida di e densidad cu nan por sufri door di e disminucion di estrogenonan.

6. Ta cuida e higra
E consumo regular di e fruta aki ta un manera di apoya e funcionnan tanto di e higra como di e vesicula biliar.
Su rikesa den antioxidante ta faborece e depuracion di e organo aki y ta yuda den e proceso di e digestion di e vetnan pa nan traha den condicionnan perfecto.


7. Un opcion saludabel pa personanan cu diabetes
E sucunan cu e fruta aki ta compone, ta facil di metabolisa y su compuestonan ta yuda na combati y stabilisa e piconan di glucose den sanger.
E juice di e sorsaca no dushi, ta opcion natural hopi adecuado pa personanan cu tin diabetes. E bebida aki ta aporta na e calorianan necesario sin altera e nivelnan di sucu.
8. Ta regula e transito intestinal
Pa su contenido den fibra natural, e juice di sorsaca ta yuda di forma positivo contra ceramento di barica.
Di un otro banda, tambe e ta util pa reestablece y cuida nos flora intestinal, pa loke e ta logra optimalisa bo sistema digestivo.


9. Ta yuda concilia soño
Hopi hende cu ta sufri di insomnio di insomnio, ta wordo conseha pa bebe juice di sosrsaca pa combati e desordennan di soño. E fruta aki ta yuda nos logra un soño trankil y reparador.
Igualmente ta conseha hendenan ansioso of cu stress ya cu e ta contene nutrientenan cu ta actua riba e sistema nervioso. E ta funciona como un sedante natural cu ta permitibo relaha prome cu bo subi cama.
10. E ta aumenta energia
Pa bo no mester recuri na energisantenan comercial y rico den compuestonan stimulante, ta bal la pena tene na cuenta cu sorsaca por representa un fuente mas saludabel di energia.
Esaki ta debi na su aporte significativo di fructose, e dushi natural cu ta contene e fruta y cu por activa e curpa tanto na nivel fisico como mental.
Nos ta consehabo pa bo bebe hunto cu bo desayuno pa cuminsa bo dia yena cu energia.

Fuente: https://mejorconsalud.com

Comments

comments

C: Heineken
new india