Beneficio di AstraZeneca ta mas halto cu e riesgonan di efecto secundario

Comision di Siguridad di Agencia Europeo di Medicamento (EMA) a descubri cu e vacuna Oxford-AstraZeneca contra Covid-19 por causa klompi inusual den sanger. Pero a enfatisa cu e beneficionan general di e vacuna, pa preveni coronavirus ta mas cu e riesgonan di efectonan secundario.
E comision a compila dato di 18 morto den revision di 62 caso di CVST (un coagulacion den e parti patras di nanishi cu ta saca e sanger for di cerebro) y 24 caso di trombosis di un ader den bariga. E casonan aki a aparece den un documento di siguridad di remedi den e database di Union Europeo. E casonan a bini principalmente di e sistemanan di notificacion di rond di 25 miyon di persona cu a ricibi e vacuna.
E agencia a publica su conclusion ya cu Agencia Regulador di Remedi y Productonan Sanitario di Reino Uni a tene un conferencia di prensa riba e mesun tema, cinco dia despues cu a confirma cu 22 persona a experimenta CVST y al menos ocho caso di trombosis. Tur esaki ta reaccionnan poco comun.

E decision a bini tambe despues di e casonan na Alemania, unda siman pasa a stop uzo di e vacuna AstraZeneca den personanan menor di 60 aña. Esaki despues di 31 informe di CVST. Bintinuebe di e 31 casonan tabata hende muhe di entre 20 y 63 aña, y nuebe di e pashentnan a fayece.
Pero director di EMA, Emer Cooke, a bisa cu e beneficionan di e vacuna AstraZeneca pa preveni Covid-19 en general ta supera e riesgonan di efectonan secundario. “E recomendacionnan di EMA pa uzo di e vacuna no ta cambia.”
Te cu awo, mayoria di e casonan raporta a sosode den muhernan menor di 60 aña den dos siman despues di e vacuna.

Te na e momentonan aki e mas cu 20 mil pereosna vacuna, a haya dosis di Phizer. E siguiente cargamento no ta conoci cual marca e lo ta, segun minister di salud a informa recientemente.

Comments

comments