Bendemento ilegal di remedi ta un problematica grandi

0
RBC Juli 2018
Funmiles-2018

E problema di bendemento di pildo online ta un problematica cu Inspectie Volksgezondheid Aruba ta atende cun’e ariba un base diario. Sra Cheryl Rosa – Fingal, Inspecteur Gezondheidzorg ta amplia mas ariba esaki.

Remedinan ilegal, ta drenta via avion, via barconan chikito. Tin diferente manera con nan ta drenta, ainda no sa con nan ta drenta, sino lo a stop nan caba. E problema ta salud publico. Esey ta e problema di mas grandi ya cu remedinan cu no ta wordo prescribi pa bo dokter no wordo controla cu bo dokter tampoco. Si e persona tin mas remedi ta uzando, den e caso aki remedi ilegal. E uzo di antibiotica ta un gran problema, ya cu e ta bay crea hopi resistencia. Hende ta uza hopi antibiotica, esey ta full un otro vision den antibiotica y paisnan den Latinoamerica ta bezig ta combati e problema aki.

E problema ta cu si uza antibiotica dimas, of ora cu no mester, p.e. ora di un griep, unda cu no mester di uza antibiotica. E persona ta bezig ta build up cierto resistencia y e dia di mañan, ora di un longontsteking a causa di ub bacteria, ora dotker prescribi un remedi, e persona por muri, di e mesun longontsteking. Pero door di uzo di mas di antibiotica, a crea un resistencia cual ta pone cu antibiotica no ta yuda mas.

Tin mas remedinan (ilegal) cu ta wordo importa diariamente. Ta danki na Douaneronan, cu tin un bon control ariba esaki. Y ta saca e remedinan aki for di maleta. Ta solamente personanan cu ta bin cu nan recept como prueba. Tin remedi ta wordo bendi na bar, supermercado, fruteria. Pero esakinan tur tin hopi impacto ariba e salud. Te hasta un hende ta muri y niun di e famia sa dicon e persona a muri. Kisas por ta dor di e (mal) uzo di remedinan. Uza remedi solamente ora dokter prescribi. Tin cierto remedi cu por wordo cumpra den botica solamente. Y cierto remedinan ta wordo bendi solamente via recept. Esaki ta pa e dokter por vigila e uzo di remedi y te hasta e por wak si e ta bayendo bon, pa e por tuma su medidanan cu e mester pa cu e salud di e persona.

Inspectie der Volksgezondheid Aruba tin leynan cu ta wordo controla y un di e leynan ta ley di remedi, di calidad di salud. Dus, nan ta controla cada remedi cu agencia y boticarionan importa, cada un remedi ta bay IVA pa wordo controla, den e circuito legal. Inspectie Volksgezondheid Aruba ta e instancia cu ta controla e remedinan. Y nan ta traha hunto cu otro departamentonan, manera Dienst Volksgezondheidsdienst, bou cual Registratie Comissie ta cay. Dus si un agencia kier importa un remedi nobo, ta e Dienst Volksgezondheids (DVG) tin Registratie Commissie, cu ta cay directo bou di minister, y nan ta bay wak si e remedi ta bon, di bon fabrica, bon calidad, etc, prome cu e wordo inscribi como remedi pa wordo uza. Fulle trayectorio ilegal, IVA no ta wak. Dus e manera con e remedinan ta wordo confisca, IVA ta traha cu DVG, IASA, Douane pasobra cu Douane tambe tin na Barcadera, Airport, Postkantoor. Y eynan tin hopi remedi ta bin. Y e resultado ta cu por wak cuanto remedi ta wordo bendi ariba Facebook. E aña aki IVA a cuminsa un accion hunto cu Fiscal y Recherche cu nan a bin detene un paar di hende door cu pueblo ta manda IVA tur e remedinan cu ta wordo bendi ilegal. Tin dokternan cu ta manda IVA, como tambe boticarionan, ta manda IVA e snapshotnan, y e afdeling di Inspectie der Geneesmiddel ta wak si enberdad e ta un remedi, enbes di un suplemento. Si e resultado di un remedi, nan a haya un carta di recherche y nan a haya un boet. Esaki ta algo cu sigur lo wrodo repiti. Tin hopi instancia cu ta combati ilegalidad.

Pueblo mester sa, cu si e cumpra remedi ilegal, e ta core riesgo pa su mesun salud. Por ehempel, e persona kier baha peso, pero e ta tuma algo pa kibra vocht. Esaki ta un practica peligroso.

No tin nada mas miho, cu bay bo dokter y sigui instruccionnan di bo dokter. No cumpra un remedi riba caya, pero cumpra fruta cu ta bon pa salud. Bendemento di remedi na fruteria ta ilegal y e consumidor no sa con e producto a wordo importa. Tin cierto productonan cu mester ta warda na cierto temperatura.

Agencia y boticanan ta cumpli cu rekisitonan pa warda e remedinan. Y e rekisitonan ta hopi estricto, segun Sra. Cheryl Rosa – Fingal, Inspecteur Gezondheidzorg.

Comments

comments

C: Heineken
new india