Belgica: E veiligheidsraad di Belgica a dicidi cu e nivel di menasa pa e ciudad Brussel ta baha di nivel 4 pa nivel 3. E decision aki a wordo anuncia pa premier Belgico De Croo durante un conferencia di prensa. Nivel di menasa pa henter pais, cu ayera a subi di nivel 2 pa 3, ta keda na e nivel aki mes.
Nivel di menasa na Brussel a wordo subi na e nivel mas halto ayera despues di e atake mortal riba dos sostenedor di futbol Sueko pa 45-aña Abdesalam L. di Tunez. L. a wordo mata mainta den un koffie shop den e bario Schaarbeek na Brussel. Estado Islamico a asumi responsabilidad pa e atake.
Motibo pa baha e nivel ta e echo cu e persona cu a comete e atake a keda mata tampoco tin señal cu por tin mas persona involucra. Na nivel 3, ta bisa cu atakenan terorista ta “posibel y probabel.” E nivel aki ta mas halto awor cu e anterior. Ayera ainda e nivel tabata na nivel 2, e sigui mas abou nivel.
Aumento di presencia di polis
Sinembargo, segun De Croo, “e controlnan cu nos a pidi ayera ta keda riba alerta y tin un aumento di presencia di polis.”
Minister di Asuntonan Interno Verlinden a agrega cu tambe ta tin un vigilancia mas halto na barionan Hudiu y lugarnan caminda hopi Hudiunan ta reuni, manera sinagoganan. Pesei cu segun e minister no tin un enlace inmediato entre e conflicto entre Israël y Hamas y e suesonan di ayera.
Fisikal Fiskal Van Leeuw a bisa na e conferencia cu a haya arma di candela na cas di e tirado, y nan a detene dos persona pa interoganan pasobra nan tin contacto cu e tirado.