MIAMI, Florida – Jose Fernandez, e lansado di Marlins di Miami, kende a scapa for di Cuba pa converti den un di e maximo streanan di baseball di Grandes Ligas, a fayece den un accidente di boto mainta tempran diadomingo. Fernandez tabata tin 24 aña di edad.
Marlins a anuncia morto di Fernandez, y Guarda Costa di Merca a confirma cu Fernandez tabata un di e tres personanan cu a muri den un accidente di boto na Miami Beach.
E ekio no a proporciona detayenan adiconal, mas leu di difundi un comunicado caminda cu ta confirma morto di e pitcher kende a gana e premio di Nobato di Aña durante e temporada di 2013.
Den e comunicado, Marlins a indica cu nan ta “kibra pa e tragico perdida di Jose Fernandez. Nos pensamento y oracion ta cu su famia na e momento asina dificil aki.”
Suboficial di marina Nyxolyno Cangemi a informa Associated Press cu un patruya di Guarda Costa a mira e boto boltia rond di 3’or y mey di marduga cerca di un dijk den e zona di Government Cut. E curpanan a worod haya poco despues.
Debi cu e bobo tabata den un dijk, Guarda Costa a notifica polis di Miami-Dade, cu a pasa e investigacion den man di e Comision di Conservacion di Fauna y Pesca di Florida.
Fernandez tabata den un embarcacion di 32 pia (10 meter di longitud) cu a sufri un severo impacto contra e dijk, Lorenzo Veloz di e Comision di Conservacion a bisa. “Parce cu e velocidad tabata un factor debi na e impacto y e fuerte di esaki,” Veloz a bisa. “Parce cu nan tabata biahando cu speed halto ora cu nan a topa cu e dijk y e accidente a tuma luga.”
Veloz a señala cu no tin indicacion cu e causante di e choke tabata bebidanan alcoholico of droga.
“E doño ta un amigo di Jose cu conoce bon varios hungado di Marlins y mester a para pa inspecciona e boto di siguridad cu otro hungadonan di Marlins,” Veloz a splica. “Nos sa cu e embarcacion aki conoce e zona. Loke nos no por responde ta con esaki a sosode.”
Rescatistanan di e ciudad di Miami a wordo mira ora cu e cadavernan a wordo treci canto, cu nan tabata tapa, riba stretcher, den un stacion di Guarda Costa, despues cu a manece diadomingo. Nomber di e otro invidivuonan no a wordo divulga pasobra no a comunica ainda cu e famianan, Guarda Costa a aña.o
E reaccion tabata inmediato den deporte. “Nos ta den shock y kibra,” Major League Baseball a bisa den un comunicado.
“E tabata un di e streanan grandi hoben di nos deporte cu tabata tin un impacto dramatico dentro y pafo di tereno desde su debut na 2013,” e comisionado di Major League Baseball, Rob Manfred a declara.
“Jose tabata un hoben excepcional y un atleta dota di un tremendo talento, kende, apenas cu 24 aña, a establece su mes como un di e streanan maximo y mas briyante,” Tony Clar, director ehecutivo di Asociacion di Peloteronan di Liganan Grandi, a bisa.
E morto di Fernandez a evoca di biaha otro tragedianan cu a envolve peloteronan manera morto di Roberto Clemente y Thurman Munson, streanan cu a fayece den accidentenan di avion den e decada di 70.
Durante su cuater temporada cu Marlins, Fernandez a wordo selecciona dos biaha pa e All Stars Game y a registra un marca di 38-17. El a nace na Santa Clara, Cuba, Fernandez a adopta nacionalidad Mericano aña pasa.
El a purba di deserta Cuba por lo menos tres luna y a caba den un prizon, tras un di su intentonan cu a faya – prome cu e por a yega na Merca y cuminsa cu su estudionan den un scol secundario na Tampa, Florida. Marlins a tum a un draft di dje na 2011 y Fernandez a debuta den majors dos aña despues.
E partido cu Marlins tabata tin contra Atlanta Braves proximamente, a wordo cancela.
Fuente: Associated Press