Esaki ta e era di colaboracionnan y no solamente musical, sino tambe den e mundo di moda. Hopi ta e artistanan cu a colabora cu marcanan pa crea coleccionnan di edicion limita cu ta bira un obheto desea pa hopi. Y no por lubida e colaboracionnan den e mundo di beyesa cu a bira uno sumamente popular. Awo e marca Balmain, cu den pasado a traha un coleccion cu a resulta sumamente exitoso pa H&M, a caba di lansa un paar di headphones super yamativo, hunto cu e famoso marca Beats by Dr. Dre.
E marca a anunica e colaboracion ariba Instagram y a introduci Kylie Jenner como e cara di e campaña di e dos diseñonan special di headphones.
“No ta importa den kico bo ta pasando, ora cu bo skucha e cantica cu mas bo ta gusta y cu cual bo ta conecta, bo mood por cambia aunke sea pa un paar di minuut”, Kylie a bisa den un comunicado. “Mi ta gusta e escape cu musica ta brinda nos”.
Riba e imagennan comparti, tanto ariba e pagina di e hoben como esun di Balmain, por aprecia e style di cada un di e diseñonan moderno.
E prome ta un tipo Studio Wireless, den color cuero cu metal oro, perfecto pa esunnan cu kier blokia e sonido externo completamente, mientras nan ta disfruta su musica faborito.
E paar di headphonenan aki ta ideal tambe pa ora di biaha. Nan ta obtenibel den e tiendanan di Balmain of riba Beatsbydre.com. Su costo?? 600 dollar.
Fuente: http://peopleenespanol.com/ponte-bella