BEAM ta hopi orguyoso di por host un seminario completamente GRATIS, unda tur musico di Aruba por siña con pa monetisa nan musica online.
Den e industria di musica nobo, mayoria di e placa cu musiconan ta gana door di bendenan musica ta bin di plataformanan digital manera Spotify, Apple Music, Amazon y otro.
Hopi artista Arubiano ta scohe pa publica nan musica digitalmente riba SoundCloud y YouTube, y di e manera aki ta perde oportunidad pa gana placa di nan musica.
Durante e seminario, lo siña con pa gana placa hasiendo uso di plataformanan digital manera YouTube y SoundCloud, con pa colecta royalties di bo musica, con pa gana mas placa di concerts, y hopi mas.
E seminario lo tuma luga diamars 18 di Juli na Beam, Steenweg 17-19, Oranjestad, di 7:00 pa 9:00pm.
E speaker pa e evento aki ta e Arubiano Tony van Veen, CEO di CD Baby & Disc Makers, dos di e plataformanan mas popular pa musiconan independiente na Merca.
Despues di gradua di Colegio Arubano, Tony a studia na e University of Pennsylvania y a bira un artista independiente cu a graba, print y publica su mesun musica.
CD Baby ta conta cu Regina Spektor (Songs), Air Supply (The Singer & The Song), y Reel Big Fish (Our Live Album is Better Thank Your Live Album) entre su clientenan, tanto como artistanan local manera Datapanik, Grupo di Betico, y Padu del Caribe.
Pa mas informacion y pa registra pa e evento aki, visita facebook.com/beamyourselves, email [email protected] of yama 6005895.