Durante cu polisnan tabata tene nan control nan ta wordo acerca pa un security di High Rise Hotel. E dama ta declara cu e hombernan (beachbum) a bay cu e stoelnan di lama di e hotel en cuestion. El a atende cu un di e hombernan, pero esaki a bira brutal cun’e. Den un caso asina, el a wordo instrui cu e tin cu yama polis. Ariba e mesun dia, pa mas o menos 11 or y 20, polisnan ta wak como 25 stoel di lama na altura di Pelican Pier, cu tabata poni sin niun tipo di siguridad of control. Pa cu esaki a atende cu e manager di Pelican Pier, e Sra. S. Esaki ta declara na polis cu e no ta na altura di e stoelnan aki. A hala su atencion pa cual esaki a mustra comprension. Tur e stoelnan di Pelican Pier a wordo lanta di eynan y warda. Na altura di Aruba Watersport polisnan ta wak un pick up para banda di acera. E auto no tabata tin number y tabata tin sushi den e baki patras. A papia cu’n trahado di Aruba Watersport, cu a bisa cu e pick up ta wordo uza pa tira sushi afo. A traha un procesverbaal pa e falta di plachi number.