ALEMANIA – Bayern a corona diasabra como campeon di Bundesliga pa di cinco biaha consecutivo y pa e di 27 biaha den su historia, den golea Wolfsburg (0-6) y haci su mes inalcansabel pa su perseguidor inmediato. Leipzig. Leipzig a empata antes sin gol cu Ingolstadt, cu loke e distancia dilanti Bayern, ta awo di dies punto, ora cu tabata keda solamente tres partido.
E titulo di Bundesliga tabata e unico cu ainda Bayern por a aspira tras di eliminacion di e Liga di Campeonnan den mannan di Real Madrid y di e Copa di Alemania pa Borussia Dortmund. Bayern a sacudi awe di e frustracionnan y a pone Wolfsburg a paga cu un goleada di proporcion.
Un gol di David Alaba, dos di Robert Lewandowski, un di Arjen Robben, un di Thomas Muller y un di Joshua Kimmich tabata e marco di e fiesta Bavario na Wolfsburg.
Kimmich, un hungado cu tabata descontento pasobra e temporada aki e no tabata tin hopi protagonismo, awe a haci un partido enorme – den e posicion cu normalmente tabata di Xabi Alonso – kende a corona cu e ultimo gol di atardi.
Muller, kende tabata tin e pio temporada di su carera, tambe a luci awe cu un gol, dos asistencia – na Lewandowski y Robben- y generando e falta cu e gol di Alaba a trece cu Bayern a habri e scoreboard.
Ora cu e partido ya tabata sentencia, Carlo Ancelotti a haci dos cambio cu tabata forma parti di e libreto di e fiesta.
Capital Philipp Lahm, a laga e campo pa nan ricibi e ovacion di dia di e ultimo titulo di su carera.
Despues, Thiago Alcantra a sali tambe pa duna paso na Renato Sanches, un hungado caminda cu Bayern tin hopi speransa pa futuro aunke cu den e temporada aki no por a ni sikiera aproxima su mes na e titularidad.
Fuente: http://www.elsalvador.com