LEVERKUSEN, Alemania- E grupo farmaceutico y kimico Aleman Bayer lo bende su rival BASF parti di su negoshi di fitosanitario y simia pa 5.9 biyon euro den metalico. Decision pa haci esaki ta pa motibo cu Bayer lo kier evita sobrecarga y tambe pa por financia e compra di e productor Mericano di transgenero Monsanto na comienso di 2018.
Bayer a informa diabierna di e benta y cu e ta inclui e negoshi di glufosinato di amoniak, cu ta un herbicida y cu e actividadnan cu algun simia, cu den ambos caso a genera benta di 1.3 biyon euro na 2016.
E benta ta depende di si Bayer logra cera e compra di Monsanto.
BASF a compromete su mes di mantene tur e empleadonan di Bayer, cu e mesun condicionnan laboral, al menos te cu tres aña despues di e cierre di e operación.
Casi 1800 empleo lo wordo traspasa. Esakinan ta situa principalmente na Merca, Alemania, Brazil, Canada y Belgica.
“Nos ta haci algo pa trankilisa posibel preocupacionnan regula cu e obhetivo di facilita e cierre di e transaccion cu Monsanto”, presidente die Bayer, Werner Baumann a bisa.
E prijs di 5.9 miyon euro lo wordo ahusta na momento di e cierre di e operación na balor di e inventario transferi pa BASF.
Bayer kier cumpra Monsanto pa 66 biyon dollar (59 biyon euro).
Fuente: https://www.efe.com