Bayena Ros no ta existi, pero e ta posibel cu bo ta haya un di nan ta nabega ariba internet. Ta trata di un desafio cu a nace como respuesta riba e “bayena blauw”, un wega macabro cu den e ultimo simannan a extende riba rednan social y cu a yega di invita mucha y hoben pa nan comete suicidio.
“Bayena Ros” ta un iniciativa cu a surgi na Brazil, e prome pais Latinoamericano una cu casonan relaciona cu “Bayena Blauw”, un fenomeno original di Rusia y cu vinculonan cu “gruponan di morto” crea riba rednnan social, a keda documenta.
Contrario na “Bayena Blauw”, esun ros no ta busca morto, pero ta busca bida. E tin e mesun dinamica cu e wega macabro, di 50 reto diario, difundi riba internet y ta focus riba hobenann, pero cu ta busca pa comberti e desafionan siniestro di e “bayena blauw” den pruebanan positivo.
E wega ta propone pa muchanan ta generoso cu otro, pone un otro persona hari, expresa cariño, fomenta autoestima, elogia un amigo di scol cu ta sufri di bullying of tambe, crea amistadnan nobo. E ultimo reto ta pa salba un bida.
Fuente: BBC
“Nos kier demostra cu internet por wordo uza pa algo positivo tambe. Comparti amor cu e dsafio aki”!, segun e creadornan riba e website di e proyecto.
E mentenan tras di e idea ta un graphic designer y un publicista di Sao Paolo. Pero pa aworaki, nan ta prefera di no revela nan identidad.
E website ta disponibel na Portugues, Spaño y Ingles. Eynan nan ta splica detayadamente cual ta e desafionan y con pa participa.