KAPOTA, Indonesia- E asociación WWF a denunca diamars cu varios ecologista a haya un cadaver di un bayena cu seis kilo di plastic den su stoma pega ariba e isla Kapota, den e Parke Nacional di Wakatobi, na Indonesia.
Den e denuncia di e asociación ecologista, cu a keda comparti riba su perfil di Twitter, WWF a denuncia cu e bayena tabata tin den su interior 115 cups di plastic, 1000 diferente pida cabuya, 4 boter, 25 saco y un par di sandalia entre otro.
Ministerio di Medioambiente di Indonesia, di otro banda, a confirma cu e bayena, di mas di 9 meter di largo, a wordo haya den e provincia di Celebes Zuid, den e parke nacional ya menciona.
Esaki no ta e prome caso di morto di un bayena despues di a guli un cantidad di plastic acumula den lama. Na juni ultimo, e cadaver di otro bayena a wordo haya cerca di e costa di Tailandia. Den su interior e tabata tin rond di 8 saco di plastic cu a pone cu tabata imposibel pa e bayena por a ingeri cualkier alimento.