Willemstad Curacao: A detene sr. Eric Garcia. Esaki riba ordu di Korte Prome Instante (Gerecht Eerste Aanleg) relashona ku un veredikto di djaluna 19 September 2016. Ta trata di un “verzekerde bewaring” i ta riba ordu di Korte den kuadro di un veredikto konforme ku Faillissementsbesluit Curaçao. Ministerio Publiko (OM) den e kaso spesifiko aki ta solamente enkarga ku ehekushon di e detenshon. Ta trata di netamente un desishon di Korte den su kaso di bankarota priva i pues aki no ta trata un kaso penal pero netamente sivil.
Wes, relashona ku un kaso sivil, a pidi awe pa detene eks bankero di Giro Eric Garcia. E motibu di e detenshon ta prinsipalmente pa evita ku e ta hui. Awe mainta a detene i hib’e prizon na Koraal Specht. Ayera tabatain veredikto di bankarota i wes ke pa Garcia mes atende ku e bankarota i su klientenan. Entretantu tin un kurator nombra. No ta Ministerio Publiko a pidi su detenshon pasó ta trata di un kaso sivíl i no un kaso penal. Wes ta hana ku tin chèns di huida, ounke ku O.M. a kita su pasaporte for di dje.