PARIS, Francia – E sala di espectaculo di Paris Bataclan ta habri bek diasabra cu un concierto di Sting bispo di e aniversario di e atakenan Yihadista cu a causa 130 morto den varios parti di e capital Frances.
“E tabata e unico respuesta na e horor di e dia ey,” e codirector di Bataclan, Jules Frutos a señala, kende den un entrevista na e emisora “France Info”, a indica cu Sting a ofrece pa toca den e sala, unda cu durante e atake 90 persona a fayece y varios cientos a resulta herida.
“E tabata esun cu a manda e prome piedra. Mi no a tarda hopi den recoge,” Frutos a indica, kende a precisa cu den e interior di Bataclan “a convirtie bek den e forma identico” y cu e obranan a caba siman pasa.
Na Maart y October ya a organisa bishita pa 400 di e espectadornan cu a presencia e anochi di dia 13 di November di 2015, e actuacion di “Eagles of Death Metal”, kendenan di nan parti, no lo bolbe bek.
E cantante di e grupo, Jesse Hughes, a acusa algun di e vigilantenan di a evapora cu e yegada di e teroristanan (algo desmenti pa e investigacion) y a indica e hecho cu nan tabata di origen Arabe.
E rokeronan di “Eagles of Death Metal” no lo pasa den Bataclan”, e codirector a anuncia, kende a añadi cu “pa respet di tur (…) y di e decencia, no lo bay invita nan bek.”
Despues di e concierto di Sting, p’e solamente a acredita mas of menos cuarenta periodista den un sala cu un capacidad maximo di 1500 persona, ta programa mas di 20 actuacion te cu primavera.
Awe nochi – bao di medidanan excepcional di siguridad – lo bay tin vooral famia di e victimanan di e atake Yihadista y como principal autoridad, e minister di Cultura, Audrey Azoulay.
E lo ta un secuencia mas di e conmemoracionnan di e prome aniversario di e atakenan di Paris.
Diabierna, a warda un minuut di silencio dirante e partido di futbol entre seleccionnan di Francia y di Suecia den e Stade de France (un di e escenarionan di e accion terorista), den presencia di e presidente Frances, Francois Hollande.
Fuente: NTN24