Kralendijk – STINAPA ta hopi prekupá ku e impakto ku e inundashon tin riba salú i bienestar di hende. Pa e último simannan Boneiru a risibí un kantidat enorme di awaseru. Esaki ta trese ku ne situashon molestioso manera nos por a mira. STINAPA, komo e organisashon enkargá ku maneho di e parke marino i Washington Slabgaai Park, no ta envolví ni responsabel pa maneho di infrastruktura di kayanan of mantenshon na Boneiru.
Video Cortesia: Live 99 Fm
Tampoko nos no a blòkia ningun salida di awa pa laman. E kantidat di awa ku a kai ayera nochi ta mas ku e sistemanan ku nos tin na momentu aki por dil kune. Ta pesei ta hopi importante pa Boneiru tin un plan di maneho duradero i tambe di mantenshon pa prevení molester den futuro!