Pa loke ta eparada di Sinterklaas, Joanne Croes a anuncia cu e lo yega pa 10’or di mainta, na Aruba Ports Authority. Pa 9’or y mey e portanan ta habri caminda e muchanan di Aruba por spera Sinterklaas y su pietnan. Manera cu Sinterklaas yega, e lo ser yama Bon Bini. Despues di un show chikito na waf, Sinterklaas lo sali rumbo Plaza Betico Croes. Sinterklaas lo tuma e cayanan di LG Smith Boulevard bin ariba riba caminda, pa asina saluda e muchanan cu tanto ta spera riba dje.
Croes ta haci un suplica na e mayornan. Kier pa Sinterklaas y e Pietnan disfruta di e dia mes hopi cu e muchanan y pesey e muchanan ta safe. Kier pa e mayornan por fabor respeta e baricadanan y tambe purba, si bo kier saca potret cu Sint, bo kier saca potret cu Pietnan, e ta OK. Pidi e Pietnan yuda. Nan ta masha alegre y masha amoroso mes. Bo pidi nan ayudo, nan lo haci’e. Riba ruta ta bay tin diferente atraccion, mirando cu ta Dia Internacional di Mucha, cual ta dia 20 di November.
Kier pa e ta un dia alegre pa e muchanan. Tambe kier pa Sinterklaas disfruta, e Pietnan, kier pa esaki wordo celebra en grande. Ta bay tin Brassband di Scouting Aruba. Ta bay tin e Pietnan loco loco, pasobra segun Sint, e aña aki nan lo bin un tiki loco. Nan ta bay cana riba man. Tin di nan ta bay cana riba stelten. E Pietnan aki a bin prome, pa mira cua ta esunnan bon mucha y e mala muchanan. Tambe ta bay tin hopi mangel y sonrisanan na cantidad. Kier pa e dia aki ta uno super dushi pa e muchanan pa hunto celebra esaki den grandi.
Lionel Dirksz, kende ta bay haci e parti di e show a splica mas di e actividadnan cu por spera e dia aki.
Kerekentenchi a wordo pidi pa contribui e aña aki na e yegada di Sinterklaas, pero tambe tur loke lo tuma luga riba Plaza Betico Croes, di cual cu a cuminsa ya caba cu e preparacionnan y haci e contactonan pa asina por tin mas hopi grupo, mas hopi di nos muchanan, nos hobennan talentoso pa forma parti di e celebracion aki, mirando cu e ta cay riba un dia tambe, Dia di Derecho di nos muchanan. Pesey kier hacie hopi mas grandi. Prome cu Sinterklaas yega na APA, lo bay tin diferente actividad cu lo bay tuma luga eynan. Entre otro, ta bay tin Pietnan cu lo yega tempran, pa duna show, pa cuminsa entretene e muchanan cu ta bay ta eynan. Sa cu semper cu na yegada lo bay tin un grupo grandi di mucha cu nan mayor y hopi biaha nan tin cu warda. Lo bay tin show di Piet, show di gruponan di baile, cu lo tuma luga prome cu Sinterklaas yega, djey subi caminda, direccion Plaza Betico. Loke ta purba di haci pa keda cla cune, lo bay tin diferente flashmobs hunto cu e Pietnan y Sinterklaas y diferente figura, entre otro di Zootopia cu lo bay ta riba caminda na diferente post, caminda nan ta sali pa duna show, y djey pa sigui cu e yegada di Sinterklaas.
For di 11’or di mainta caba lo bay tin diferente grupo di baile di e muchanan riba Plaza Betico. Ta bay tin Gucci Dancers, Diamond Dancers, Dancing Diva’s, tambe Kids to Kids, Candy Dancers cu lo bay tey y otro atraccionnan riba escenario cu lo bay tuma luga. Tambe tin artistanan infantil lo bay tey kendenan lo bay yama Sinterklaas y Zwarte Pietnan un bon bini. Na e mesun momento celebra cu e muchanan rond di tur loke ta bay tuma luga riba e dia aki for di 11’or, te den careda di 2’or y mey di atardi, riba Plaza Betico.