Manera Masnoticia.com a publica ayera cu un cliente a haya un quesillo daña y mas cliente a reclama di producto nan caduca riba reki. Awe mainta instancia nan concerni a reacciona mesora y departamento di salubridad, departamento di asunto economico y tambe polis a presenta na Sing Fung Foodcenter pa hasi un control. Na e establecimento a haya gran cantidad di producto nan cu a caduca riba reki poni pa bende. Mesora a sera e lugar pa e gerencia laga hasi e lugar limpi y benta tur producto nan caduca afo y pa atardi departamento di salubridad lo pasa controla bek y si e doño nan cumpli e lugar lo wordo habri bek sino nan lo haya un multa. Tambe departamento di asunto economico encarga cu controla prijsnan di productonan di canasta basico a tuma nota di bastante prijs halto di locual nan mester ta di e productonan di canasta basico. Ministernan actual encarga cu e instancianan concerni a pidi pa controlnan mas estricto riba producto nan caduca of daña ya cu esaki no ta acceptabel. Y esaki a cuminsa mira su fruto. Tambe ta pidi pueblo pa si nota algo sea producto caduca pa informa departamento di salubridad pa nan por actua di baiha.