For di diamars den oranan di anochi varios persona riba caminda por a tuma nota di constantemente ambulance cu sirena y e pickup. Manera cu bo wak esaki ta trata di pashent di COVID cu problema serio pa hala rosea tin cu keda transporta pa hospital.
A busca informacion di biaha for di instancianan concerni tanto den mundo medico y for di hospital a compronde cu e lista di pashentnan diamars atardi pa anochi cu tabata birando basta malo na cas tabata basta y cu ambulance mester a transporta. Manera ta conoci tin un liña di telefon di un dokter na warda cu ta bay cu un representante boluntario y asina ta haci e controlnan y notifica ambulance di adresnan pa busca e personanan cu mester di atencion medico avansa y keda transporta pa eerste hulp.
Hospital tambe tabata riba bou y asta pasa di 9’or anochi a tuma nota di e presencia di e specialista di pulmon na pia di trabou pa duna man cu e situacion andando den ICU. Te hasta un señora basta malo a keda transporta diamars anochi pa hospital relaciona cu Corona Virus. No ta descarta cu esaki ta casonan di Delta.
Manera hospital a informa diamars atardi total tin 36 persona interna di cual 6 ta den ICU, 28 riba piso general y 2 riba piso di maternidad. 8 ta vacuna y 24 no ta vacuna.
Casonan di variante delta ultimo dianan
For di bon fuente a informa redaccion di masnoticia cu e casonan aumentando ta di personanan bou di 35 y hobennan cu a bay trip ultimo dos fin di siman y te hasta den siman tras di lomba na cierto club nocturno y den menos cu 5 dia a sinti e sintoma y raporta na nan dokter y a test positivo pa variante. E problema ta cu ora a yega cas a pega mama, tata, wela, welo y te hasta tin mucha chikito a keda pega pa corona virus ultimo dianan aki. Tin te hasta un dokter a raporta un criatura basta malo bou di 10 aña.