Internacional: E secretario di seguridad di e estado Falcon a informa 24 di juli cu a haya un hayazgo di 36 paki di cocaina cu a keda localisa na e sector Las Cabañas na Falcon na Peninsula di Paraguana.
Segun e reporte di Guardia Nacional a haya e droga durante e labor di patruya a topa cu e droganan ak scondi na e costa Oriental di Peninsula di Paraguana, unda a topa cu e 36 paki na un peso di mas cu 41.4 kilo, cu e logo di Lg y Toyota na dje.
E general Miguel Miranda cu ta e secretario di Seguridad di e region a splica cu e cargacion aki ta relaciona cu un embarcacion cu mester a navega entre costa di Paraguana pa Aruba.
Medianan Venezolano a informa cu for di comienso di 2023 te cu Juli e cuerpo policial y militar a detene casi 9 mil persona pa trafico di droga, y presidente Maduro a laga instala for di aña pasa un base militar na Peninsula di Paraguana pa combati e narcotrafico den e zona.
