RIVM ta teniendo na cuenta basta infeccion di hepatitis A, debi na blueberry contamina cu e virus di e cadena di supermercado Albert Heijn. Esaki a keda confirma pa un vocero di e instituto di salud despues di un rapport di NOS.
Diesdos persona definitivamente a keda infecta cu hepatitis A, di cual dos ta den hospital, e vocero a confirma despues di a informa pa medianan Hulandes
Periodo di incubacion largo
E vocero ta splica cu por tin centenares di infeccion, pasobra e ta andando for di fin di november y e periodo di incubacion di e virus ta largo. E por tuma simannan pa inflamacion di higra desaroya. Hopi hende dificilmente of nunca ta bira malo di hepatitis A, e vocero ta enfatisa.
E blueberrynan contamina cu hepatitis A for di e frishider di Albert Heijn a bini for di Polonia cu un bida minimo di 14 di april 2026. Awor nan a wordo kita for di e gama, hunto cu tur otro saco di kilo cu a wordo saca for di e frishider como precaucion. Blueberry cu ta mescla cu otro fruta, of den un caha, no ta contamina. Ta pidi clientenan “urgentemente” pa no come e producto cu un fecha di vencemento di 14 di april 2026 y fechanan prome cu esey, pero pa debolbe esaki na e tienda. Despues nan lo ricibi e montante di compra bek.
