Diadomingo pasa di 2:30 marduga habitantenan di e casnan di pueblo na Noord, na Duartestraat a scucha tiro cay den direccion di nan cas y a mira hende ta core bay direccion Monserat. A core yama Polis di biaha, e oficialnan cu a yega a constata cu tin perforacion di bala na e cas.
Oficialnan a topa cu algun hende den Monserat y tur a comenta cu ta un auto blanco chikito y a splica e oficialnan ki tipo di auto e ta. A haya alrededor di 8 huls benta abou, a notifica departamento forensico cu a presenta pa saca potret y tuma e hulsnan den beslag.