Willemstad Curacao: E investigashon relashoná ku e robo di droga for di e kompleho di polis na Rio Canario ta den ‘full swing’.
Diadomingo mainta den kareda di 9 or a deskubri e robo di un kantidat supstansial di kokaina. Dos porta di metal a keda forsá pa di e forma ei haña akseso na e espasio.
Den kuadro di e investigashon a konfiska awe mainta trempan un truck ku a ser hañá kimá. Den kuadro di e investigashon a konfiská esaki pa mas investigashon.
Ta trata di un investigashon di Landsrecherche Curaçao (LrC) ku den esaki ta wordu asesora pa funshonarionan di Kuerpo di Polis di Kòrsou (KPC). Un Fiskal di Ministerio Publiko (OM) ta liderá e investigashon.
No por duna mas informashon na e momentunan aki. Mas detaye na e momentunan aki por stroba e investigashon ku ta ser kondusí na e momentunan aki.