Relaciona cu e accidente fatal riba 12 Juli 2018 polis cu a presenta na e sitio a pidi pa recherche di Noord presenta debi cu a bin topa cu basta bala cayente benta banda di e morto na unda e impacto a pasa. Dos cabayero hoben a perde nan bida den e accidente aki. Na e sitio polis a bin haya un pida piesa di e arma di candela.
Pero e arma mes no a haya a haya basta bala cayente benta abou. Manera cu e accidente a pasa tabata tin algun persona riba brommer cu a yega di biaha, no por descarta cu un lo por a coy e arma di candela cu lo por a cay riba caminda.
Maske tin testigonan clave a mira movecion di un cabayero cu a pasa man pa algo benta abou, ta conoci unda cu e accidente a sosode tin basta negoshi y hopi camara di seguridad lo por a graba tur movecion y cu esaki recherchenan ta trahando duro pa asina pronto pone man riba e persona.
Na e sitio di accidente a bay algun fout unda oficialnan a laga hende cana riba e caminda den e lint, brommer tabata core manera nada un pasa. Te hasta a laga personanan cuminsa desarma e brommer kitando piesa y bay cu e brommer despues. Mientras cu ta trata di accidente di trafico pero e balanan cayente riba caminda a pone cu recherche tambe a cay den wega pa sigui cu e investigacion.
Autoridad tin sospecho grandi abase di informacionnan extra oficial cu a yega na nos redaccion na tipnan cu autoridad lo a haya cu e defunto riba e brommer lo tabata tin un arma di candela den su poder, debi cu nan tabata bayendo un localidad na noord.