Diahuebs den oranan di mainta pa merdia riba e caminda di santo di Saliña pa Moko banda di e dam un truck di DOW tabata raspa e caminda pero den esaki algo a bay robes cu e truck a ranca un tuberia di awa. Un ciudadano a manda nos redaccion un potret pasa di 1:30 merdia unda e ta relata con un truck ta raspando e caminda y a ranca un tubo di awa di web y basta awa tabata bay halto. Pero ainda pa 4:30 atardi ainda awa tabata bay halto, esaki ta mustra cu ningun persona lo a informa WEB di e sucedido te ora cu polis a pasa ey banda y tuma e situacion. Ta mas cu 3 ora cu awa a bay perdi bay te den direccion di e dam.