DAMASCO, Siria – E presidente Sirio, Bashar al Assad, a sigura cu e empresanan Ruso por opera den e sector petrolero di e pais, e diputado Ruso, Dmitri Sablin tras conclui un reunion cu e mandato, a informa.
“Al Assad a bisa cu e kier mira solamente e companianan Ruso den e esfera petrolero di su pais ya cu ni Iran, ni China ta conta cu empresanan di renombre den e sector aki,” e parlamentario a señala, Sputnik a informa.
Dmitri Sablin, hunto cu e diputadonan Serguei Gavrilov y Alexandr Yuschenko, a yega dialuna na Siria pa reuni cu e presidente di e pais, representante di e organisacionnan sin fin di lucro y lidernan di e princial confesionnan religioso.
Al Assad, den un entrevista na medionan Belga, el a recalca cu Union Europeo no por participa den e reconstruccion di Siria, mientras cu e ta apoya na e gruponan terorista.
E mandatario a denuncia cu cu Union Europeo y NATO desde e comienso di e conflicto, nan a presta respaldo na e teroristanan di e frente Al Nusra y Daesh, bao di diverso pretexto.
Siria ta biba desde Maart di 2011 un conflicto caminda cu trupanan gubernamental a enfrenta na e faccionnan arma di oposicion y e organisacionnan terorista.
Segun e datonan di e Organisacion di Nacionnan Uni), entre 300 mil y 400 mil persona, a perde nan bida den enfrentamentonan.
Fuente: El Universal