Diamars anochi den e bario di Jaburibari a tuma luga un caso di bashamento di bala, un persona a pasa los tiro riba un cas net momento cu un pareha pasando den un tercel berde a mira e situacion y a bira bek, pero pa nan mala suerte e sospechoso a los tiro riba nan auto tambe.
E pareha spanta a core bay para te dilanti tesco supermarket pidi yudansa di Polis. Patruyanan a presenta na tanto e supermarket y na e cas den Caya Fransebloem. Departamento forensico di Polis tambe a presenta pa haci nan investigacion y a tuma e auto den beslag. Na e cas unda e caso a pasa polis a combersa cu e doño di cas y un persona cu tabata den e bisindario como testigo, recherche tambe a presenta na e cas y a tuma un auto den beslag tambe.