Diasabra anochi e caminda di Mondi Fierno pa Rooi Frances via di Balashi n’e bahada a sosode un drama unda dos brommer a enfrenta cu un auto. Tabatin bashamento di bala y esaki a termina cu e auto a ranca e dos personanan riba e brommer.
Polis di biaha ta presenta y topa cu e situacion a kere ta un accidente normal, y ora a combersa cu esnan den e auto a haya sa cu ta trata di un posibel problema debi cu conoce esnan riba e brommer y tabatin tiro dirigi riba e auto prome y aki ta unda cu e homber den e auto a tira e auto riba e motociclista bay den banda robes pa scapa su bida.
E auto a pega den e mondi, esnan riba e brommer a core bay na pia bandona e sitio. Brommernan horta, sin documento. Recherche a presenta hunto cu departamento tecnico, pa haci un investigacion completo, saca evidencia di tur cos n’e sitio. A laga tuma tanto e auto y e dos brommer den beslag.
