Bartender Gaby Morales ta retira cu un bunita brindis na su futuro exito y metanan nobo

The Hilton Aruba Caribbean Resort & Casino a host un encuentro informal den cuadro cu celebracion di bartender veterano Gaby Morales, tumando su retiro despues di 28 aña di servicio.

Morales a wordo presenta cu un bouquet di flor fresco, un carta di aprecio y un gift-card na su brindis cu distanciamento social den cuadro cu su futuro exito y metanan nobo su dilanti.

E encuentro na Mira Solo bar a conta cu presencia di General Manager Vasco Baselli, Director di Recurso Humano Glenn Farro, y hefenan di departamento di e resort. Baselli a duna danki na Morales pa su añanan den Mixologia, creando centenares di cocktails Caribense luhoso tur dia, na Mira Solo bar y Castaways, hogar di e resort su cocktail di signatura, e Aruba Ariba.

Gaby ta lagando henter un patrimonio atras, un bebida frozen y tropical, e Natural Bridge, un receta cu e mes personalmente a entrega na e siguiente generacion. E Natural Bridge, su creacion original, a wordo premia durante un competencia local di mixing, traha cu Rum blanco, Coconut Cream, Crème de Banane, Poncho Crema cu un poco Blue Curacao – un berdadero receta complaciente na publico.

Morales a expresa cu el a dicidi a yega tempo pa tuma un parti mas activo den e crecemento y bida di su 6 nietonan y 2 bisanieto, pasando tempo cu nan, incluyendo bayendo off-road.

Baselli a probecha di e oportunidad pa reconoce e logronan di Morales: “Mi lo kier expresa nos sincero gratitud pa e trabao duro y profesionalismo cu bo a demostra durante ultimo añanan na nos estimado hotel,” el a bisa. “Bo dedicacion y compromiso semper tabata un inspiracion pa bo coleganan, supervisornan y managernan, kende sigur lo haya falta di traha cu bo. Durante bo tempo na nos hotel bo a biba den diferente cambionan y retonan, y semper a logra na surpasa tur cos na mes momento bayendo mas leu di loke nos bishitantenan ta spera. Abo ta representa loke semper a defini e hotel aki, e hospitalidad caluroso y autentico di su miembronan di Team. Awor cu bo ta inicia un capitulo nobo den bo bida, nos ta duna bo pabien, y ta desea di na mes momento extende palabranan di Masha Danki di curason, pa un tremendo trabao.”

Chef ehecutivo Matt Boland a prepara snack platters individual delicioso, combinando nan cu sparkling wine flutes, mientras miembronan di e team a comparti storianan hunto deseando Morales salud y bida largo, awor cu e ta inicia su aventura nobo di retira y disfruta e frutonan di su labor, y su hobbies.

Comments

comments