Sra. Marjorie Vermeer – Luidens, den representacion di habitantenan di Parkietenbos, Bucutiweg, Simeon Antonio y bicindario a bay un reunion tocante e dump di Parkietenbos y su futuro.
Minister Otmar Oduber na comienso a bisa di cu dentro di algun luna lo tin cambionan na dump di Parkietenbos. Pero esaki ya caba a drenta su prome aña. Lo tin WEB NV cu lo lanta e coriente, Serlimar cu lo haci e proceso di busca sushi y tambe e compania cu ta bay BOO (Inversionista), cu lo bin cu’n planta di incinerator na WEB NV unda lo kima tur e sushinan. Ya caba tin varios candidato, cu lo duna nan oferta pa haci e trabao den un bid.
Bario di Simeon Antonio, Parkietenbos y bicinidario ta contento cu por fin ta wak un solucion na caminda. Ta spera cu un TNO su tras, a pesar di cuanto e inversion ta, e ta hopi grandi y e habitantenan ta preocupa toch pa eskai. Pero tin un dump cu 75 aña, un dump cu ta super yen, el a bay den e mangrovenan.
Tur hende a bisa cu mester cera esaki y pofin a tende di e mandatario cu e ta bay cera, cu lo bay saneer esaki. Sea ta tap’e full of ta drech’e di cu si awa cay, e ta profesionalmente haci, caminda cu e gasnan ta sali, pa no haya explosionnan. E candela tin hopi di haber cu e hecho cu hendenan cu ta subi ariba dump ta smelt koper, tire etc. Dump ya caba ta incontrolabel. Ora cu cuminsa haci over e ora lo por wak e cambio cu a spera tanto ariba dje.
Tin hopi recogemento di sushi y tabata un sorpresa pa Sra. Vermeer – Luidens, di e free for all cu tabata tin. E dump ta bay full dilanti di WEB y no ta bay tin dump mas. Y tur mester keda vigila ya cu hopi biaha ta haya cosnan nobo cu ta bin. Y aki ta caminda cu Sra. Vermeer- Luidens a puntra si tin leynan na caminda y un hende haci algo fuera di ley, tin caminda di corte pa cana.
Pa loke te a incinerator e ta bay ta bou di control di e sistema di Hulanda, e ta bay opera bou di mesun sistema di Hulanda, cu e aire cu sali mester ta bou control. WEB tambe ta saca gas cu no ta bon, pero e mester bira algo full controlabel. E prome stap a wordo tuma, habitantenan a haya contesta cu porfin dump lo wordo cera. Esaki lo por tuma por lo menos 2 aña. Ta papiando caba di 2020 y no mas pa 2019.
Algo cu tabata remarcabel, manera cu e minister a bisa, cu Serlimar cu ta hunga e rol di loke ta tur sushi cu tin, bestia morto, ta nan trabao. Dus Serlimar su trabao ta bay ta hopi prominente. Mester pensa un manera cu e por traha bon. Serlimar, door di ta instituto di gobierno, ta laga hopi di desea. Mester sak’e for di politica y haci’e algo stabiel. Nan mester di aire puro y nan mester haci nan trabao manera mester ta. Si esaki lo logra, ta depende di e liderasgo.
Mester cambia e pensamento di Aruba, pa enberdad haci’e un Aruba di 5 strea.