Na Aruba tin hopi caso unda un “Chines” ta pop up suddenly den barionan. Esaki a pasa tambe cu e bario di Yanana. Chines a cumpra cas y cuminsa negoshi y despues ta pidi permisonan. Segun e Chines el a paga caba! Habitantenan a protesta contra e vestigingsvergunning y a perde. Awor habitantenan ta pleita contra e slijtvergunning. No tin hindervergunning ni restaurantvergunning pidi. Fuera di esey e Chines ta den un bocht masha peligroso. Akinan e carta di protesta contra e slijtvergunning:
Pa: Su Excelencia Ministro di Salubridad Publico
Dr. Alex Schwengle
d.t.k.v
Departamento di Legislacion y Asuntonan Huridico
Schotlandstraat 53
Su Excelencia,
Cu referencia na e anuncio den diario di 11 di November 2016 na unda su Excelencia ta participa cu na Departamento di Legislacion y Asuntonan Huridico a drenta un peticion pa un slijtvergunning pa e parcela Yanana #14 suscritonan ta participa su Excelencia lo siguiente:
a. Suscritonan ta totalmente encontra pa duna un slijtvergunning na e parcela Yanana #14. E bario di Yanana ta un bario trankilo unda tin hopi hende di edad ta biba (e bario aki a ser lanta mas of menos 1970/1975 pa” Projectwoonhuis te San Barbola met als opdrachtgever Stichting Nos mes CAS”). E nomber Yanana a ser scogi na memoria di señora Yanana kende tabata cria baca y bende lechi cu keeshi. Experiencia di otro barionan na Aruba ta indica cu slijtvergunning ta trece cune un grupo di hende cu consumiendo alcohol ta bira fastioso, papia duro, bochincha etc. Tur esaki cu resultado cu pleitonan, bringamento y den peor caso hasta matamento por tuma luga. E parcela Yanana# 14 mes ta cerca pega cu otro viviendanan cu sonido ta pasa door di e murayanan cu tur su molesternan( tin varios hende malo ta biba hopi cerca).
b. Es mas no ta pornada legislador di nos pais tin e bario aki a punta como “woonwijk”. Segun suscritonan otorgando y permitiendo Yanana #14 funciona tanto como supermarket, lugar di bebe y luga di come ta en pugna cu nos ROP “ Ruimtelijke Ontwikkelingsplan”.
c. Den e anuncio di 11 di November ta indica cu cuminda lo ser consumi den e parcela. E preguntanan na su Excelencia ta si Yanana 14 no mester restaurantvergunning sea A of B?
d. Un otro pregunta na su Excelencia ta si Yanana# 14 no mester un hindervergunning pa opera?
e. Un otro motibo pa ta encontra permiti Yanana# 14 funciona como negoshi y specialmente di bebida ta rebaha balor di casnan di suscritonan.
f. Tambe suscritonan tin obhecion contra e slijtvergunning pa Yanana 14 pa motibo di peliger di trafico. Suscritonan tin entendi cu varios polis cu sa pasa ey banda mes no ta compronde con por duna un permiso den un situacion asina peligroso. Recien e weekend aki casi un desgracia grandi a tuma luga cu un auto cu a trece carga pa Yanana 14.
g. Ta ironia cu e caminda mes a wordo financia pa habitantenan tempo di verkaveling y mester a duna na gobierno pa un florin sino polis no ta bin ora di accident y ni ta recohi sushi. Awor gobierno ta permiti chineesnan bin strobe nos tranquilidad.
Resumiendo suscritonan ta haci un apelacion fuerte na su Excelencia pa nenga e peticion pa un slijtvergunning pa Yanana 14.