Na final di 2018, Serlimar a bin cu algun barinan geel/berde cualnan a keda reparti na Gold Coast, pa cual Sra. Twyma van der Biezen ta elabora mas ariba dje.
Sra. Van der Biezen a splica cu e barinan aki, Eco Prime di 360 L, ta destina pa Complehonan di Apartamento. Es decir cu e ta bay ta destina pa mercado comercial y asina ey, tur e complehonan di apartamento e aña aki lo ricibi un container diferente, contrario na e barinan blauw cu preto. Esunnan cu no ta registra ainda, por pasa personalmente na Serlimar of tambe por tuma contacto cu Serlimar, pa asina laga sa kico e cliente ta desea y asina Serlimar por evalua kico nan mester, cuanto bari nan mester y a base di esaki nan ta traha un contract comercial.
CAMBIO DI BARI ACTUAL TA TRECE CAMBIO DEN PRIJS TAMBE
Den caso di cu’n cliente ta desea di cambia e bari actual preto cu blauw, Sra. van der Biezen a splcia cu e barinan nobo residencial, ta contanan den cantidad di uno cu dos. Cada cas residencial tin maximo di 2 bari. Asina cu surpasa esaki, e ta bira uno comercial. E cliente lo por haya uno di 1100 L, pero e ora e ta bira un contract comercial. E ora tin cu distingui e productonan tambe. Preferiblemente e cliente por cambia esaki pa uno mas grandi, pa mas desperdicio. E ora e lo bira un otro tipo di contract. E prijs pa un solo bari na e cas, lo cual cu e aña aki ta diferente, ta e tarifa social ta parti den dos, cual ta e ‘afvalverwerking’ y e servicio. Y pa servicio ta 210 florin pa cada cas comercial. Pa comercial, esaki lo bira un otro tarifa.