Diahuebs merdia Panter, e boto di patruya di Warda Costa a bay controla un contacto sospechoso riba notificacion di Centro di Rescate y Cordinashon (RCC) di Warda Costa.
Na nan yegada a nota cu e barco procedente di Venezuela tawata piscando ilegal den awanan di Aruba. E barco tawata uza e sistema di pisca cu Palambra, cual tambe ta yama ‘long-line’. E sistema aki ta prohibi pa uza pa leynan di Aruba. Na momento cu e barco a notifica e patruya di Warda Costa nan a core sali for di e awanan teritorial di Aruba.
E patruya di Warda Costa a saca e Palambra for di awa y a destrui esaki. E piscanan cu a wordo confisca a ser entrega na fundacion Eliezier.