E barco di marina Zr.Ms. Zeeland a intercepta un transporte di 2000 kilo di droga den e marduga di 28 pa 29 di januari. E interceptacion a sosode durante di un patruya den e lama Caribe. E sospechosonan y e paketenan cu droga a ser entrega na Warda Costa di Merca.
Un avion di Warda Costa di Caribe Hulandes a detecta e contacto sospechoso dialuna ultimo riba lama ganchu. E boto su actuacion y posicion tabata uno notabel i a hala atencion. E helicopter NH90, e FRISC, e boto pa interceptacion cu na bordo un team di Warda Costa Mericano a logra para e boto sospechoso.
Confiansa
E Comandante di Zr.Ms. Zeeland, capitan-teniente naval Paul Bijleveld, ta satisfecho cu e cantidad grandi di droga cu a intercepta. Tambe e ta orguyoso con e trabou a ser ehecuta conhuntamente cu e diferente organisacionnan.
“Un accion cu un resultado positivo. Dor di e colaboracion conhunto i bon trabou di team di Warda Costa, e helicopter NH90, e team di Warda Costa Mericano i e tripulacion di Zr.Ms. Zeeland e interceptacion tabata uno exitoso.”
Barco di Marina Real
Zr.Ms. Zeeland ta un “Oceangoing Patrol Vessel” di Marina Real. For di december e barco ta staciona como barco di marina den Caribe. Durante e periodo cu e ta staciona den Caribe e la detene un go-fast sospechoso cu un gran cantidad di cen na bordo. Tambe e la logra stroba un transporte di droga, na momento cu un boto sospechoso a tira paketenan cu supuestamente droga for di bordo.