Diasabra ultimo Wardacosta a haya un notificacion di Wardacosta di Venezuela, cu un boto
tabatin problema cu su motor. E boto tabata drif riba lama den e area di responsabilidad di
Wardacosta Caribe Hulandes y e tres ocupantenan di e boto tabatin necesidad di yudansa
agudo.
Centro di Operacion Maritimo di Wardacosta despues di e notificacion, a pidi asistencia di e
avion Dash. Una bes cu e avion a yega na e localidad e tripulacion di e avion patruyero a nota e
boto den necesidad. E avion patruyero a bula den bisindario di e boto den buskeda di un barco of
boto cu lo por duna yudansa na e ocupantenan di e boto den necesidad. Den bisindario e avion
Dash a nota un barco de bela cu cuater mast, cu e nomber Star Clipper y a pidi esaki pa duna
asistencia na e boto cu tabata drif cu su ocupante nan riba dje. E barco di bela Star Clipper a
tuma e ocupantenan den necesidad na bordo y a hiba esaki nan Colombia, caminda autoridadnan
aya a tuma cargo di nan.