SAN JUAN/CARACAS – E barco cu ayudo humanitario procedente di Puerto Rico mester a bira bek despues di cu Armada Venezolano a menasa di tira ariba nan, segun e periodista Mariana Reyes a bisa ariba su cuenta di Twitter. Door di esaki a pidi permiso pa dock na waf di Bonaire y el a drenta diasabra anochi.
“E barco cu bandera di Puerto Rico nabegado door di awanan internacional y tabata sperando ariba instruccionnna. Nan a analisa e posibilidad di n cambio di ruta. E embarcacion ta deteni pa unidadnan di Armada Venezolano. Tabata tin menasanan di tira y bira bek pa Bonaire, cual tambe a sosode”, e periodista a confirma.
Segun informacionnan publica pa su colega Mariana Reyes, e Almirante Guiseppe Alessandrello ta na cabes di e embarcacion cu ta mantene e ayudo humanitario obstaculisa, gradua na 1987 (mesun aña cu Diosdado Cabello) di e Escuela Naval de Venezuela.
E barco tabata tin ayudo humanitario, den forma di cuminda y remedi colecta pa habitantenan Latinoamericano residencia na Sur di Florida.
\