Barco cu 3500 Nissan ta drief sin rumbo den lama grandi

Internacional: Un barco cu ta transporta auto y cu 3500 Nissan nobo nobo ta drief sin rumbo riba Oceano Pacifico. Despues di un candela bispo di aña riba e barco, tugboatnan ta na caminda pa logra para y controla e barco aki. Tur 21 miembro di tripulacion di e barco di 200 meter largo bao nomber di “Sincerity Ace” a laga e barco. En total 16  den prome instante a keda atras pero nan tambe a wordo rescata. E barco cu a wordo traha na 2009, tabata nabegando for di e terminal di Nissan na Yokohama y Kanda na Hapon pa yega Honolulu y Mexico, Puerto Rico, Florida, Virginia y finalmente Maryland.

E barco tin capacidad pa 5200 auto y na e momentonan aki tin 3804 auto di famia y chubatonan abordo. Ki ta e resto di 304 vehiculonan abordo, no ta conoci. “Nos no tin na e momentonan aki informacion di e situacion di e vehiculonan abordo. Nos pensamento ta mas bien cu e miembronan di tripulacion”, asina vocero di Nissan a duna di conoce. Tin un plan cu a wordo traha p’asina e tugboatnan por jega y controla e barco y trece esaki tera mas lihe posibel y den mihor forma posibel. Ta ser bisa cu e barco na e momentonan aki ta bezig ta drief na e parti nort oost di Hawaii.

Comments

comments