BARCELONA, Spaña- E fundacion Navegacion Oceanica di Barcelona (FNOB) a anuncia e suspension di e proximo edicion di Barcelona World Race, cu tabata riba schedule pa tuma luga na januari 2019, pa motibo di e dificultad pa haya sponsor door di e instabilidad politico.
E Barcelona World Race ta un regatta cu ta dal un buelta rond mundo, cu ta sali y caba na Barcelona.
E decision a wordo tuma dia 22 maart basa ariba un acuerdo mutuo den un reunion di e fundacion forma door di e Ayuntamiento di Barcelona, e Camara di Comercio di Barcelona, waf di Barcelona y Feria di Barcelona.
Den un comunicado, e FNOB a sigura cu esaki ta influi, specialmente den e decision ta e “clima di indeficion institucional y e falta di stabilidad politico cu nos pais ta biba aden durante e ultimo aña aki cual a haci e buskeda di sponsor mas dificil.
“E potencial sponsornan a manifesta nan desconfiansa door di no ta sigur di conta cu e apoyo institucional cu necesariamente mester garantisa un evento deportivo di e dimension aki, cual ta rekeri un inversion grandi den sponsor priva y cu, definitivamente ta e unico fuente di financiacion di e regatta”, segun e comunicado.
A pesar di e cancelacion di e proximo regatta, e fundacion ta mantene su plannan pa organisa un edicion nobo di Barcelona World Race, cual lo wordo celebra na 2022-2023.
Fuente:http://noticierodeportivo.com