Madrid, SPAÑA- E victoria di Barcelona riba Real Madrido, 2-3 den e stadion Santiago Bernabeu di Madrid a duna bida na e muchanan di Luis Enrique un bida na caminda pa e titulo di e Liga Spaño.
E blauw cu coranan a yega na e mesun cantidad di punto cu e blanconan (75) na cinco wega leu. Real Madrid tin un partido pendiente contra di Celta de Vigo, cu lo wordo hunga dia 17 di Mei.
Madrid tin su dilanti enfrentamentonan contra di La Coruña, Valencia, Granada, Sevilla y Málaga. Ademas, e mester enfrenta un partido cu a keda aplaza ainda contra di e gallegonan.
E clave di e partido pa e Catalanan tabata un biaha mas, y manera den hopi otro ocasion den e talento y explosion di e astro Argentino Lionel Messi, cu a anota dos gol, e ultimo tabata e definitivo pa duna su ekipo e victoria den nan calidad di bishitante.
E blauw cu coranan tin como tabla di salvacion pa e temporada aki pa gana la Liga, despues di a keda elimina den kwarfinalnan di e Champions League di UEFA door di Juventus di Italia. Nan tin tambe Copa del Rey, cual final lo wordo hunga dia 27 di Mei proximo contra di Alaves.
Real Madrid lo hunga e semi- finalnan di e torneo Europeo cu Atletico di Madrid, cual lo cuminsa dia 2 di Mei.
Fuente: cnnenespanol