Samuel Johnson, director general di Barceló Aruba y conhuntamente cu AHATA ta haciendo un donacion di corchon na e fundacion Cas Speranza. E ta amplia.
Barceló ta spera cu e gesto cay na agrado di e comunidad y nan semper ta contribui cu personanan di menos recurso. Nan a contribui tambe cu St. Maarten despues di e pasada di horcan Irma y tambe nan a haci donacion na un entidad cu tin di haber cu yudansa na personanan cu di poco recurso.
Ta spera cu e donacionnan aki yega unda cu nan mester yega y pa por tin bon uzo di esakinan, según Sr. Johnson.
E idea principal ta por yuda cu algun cosa. Normalmente empresanan ta bende e inmobiliario y loke Barceló ta haci cu enbes di bende, nan ta regala esakinan.
Barceló tin su propio fundacion y e ta haci esakinan den e hotelnan unda nan ta, y un di e principionan di e hotel, ta di yuda e comunidad unda cu nan ta situa, beneficiando di un manera of otro na e personana cu mas mester di ayudo.
Sra. Vanessa Rasmussen di AHATA ta splica cu Cas Speransa ta un facilidad cu ta duna speransa na hopi hende. Nan tabata presente na inauguracion di e cas y sinceramente e ta un luga hopi bunita, agradabel pa e persona por haya yudansa y nan mester di apoyo di demas companianan y di pueblo en general.
Tambe Cas Speranza ta comparti cu nan partnernan, pa asina wak maneranan cu nan por tambe apoya Cas Speranza y dimes otro proyectonan den comunidad. Hopi di e hotelnan ta yuda, pero nan no ta haci propaganda pa esaki. na final ta importante cu e ta wordo haci y e no ta wordo haci un bes pa aña, pero constantemento, y na diferente manera, segun Sra. Vanessa Rasmussen, di AHATA.