Stichting Musica ta anuncia e oportunidad pa bandanan musical sali “Band of the Year 2019” pa e temporada Carnavalesco. Esaki ta e di 2 aña cu Stichting Musica ta eligi “Band of the Year”, un award cu lo wordo otorga na e banda ganador.
E criteria pa por cualifica pa “Band of the Year 2019” a wordo constela a base di experiencia di aña pasa, hunto cu e miembronan di Stichting Musica pa asina eligi e banda cu mas a contribui na Carnaval en general pa 2019. Cada criteria tin un balor specifico y ta lo siguiente:
1. E banda mester a participa den nos “Aruba Caiso & Soca Monarch 2019” of den “Festival di Tumba 2019”
2.
- E banda su uniform of costume durante e paradanan
- E banda cu miho animacion den paradanan
- E banda su sonido
- Presentacion di e banda su trailer den e paradanan
- Mester toca e Soca ganador di Aruba Caiso & Soca Monarch 2019 “Hunter 2 Hunted” of e Tumba
ganador 2019 “Aruba Ariba”
Lo tin un panel di hurado cu ta cubri full e ruta di tur e paradanan aki ariba menciona. E premio pa “Band of the Year 2019” ta:
- – Premio pa e banda ganador “Band of the Year 2019”: Awg 5.000,00
- – Best Dressed Band: Awg 1.000,00. E premio aki ta a cortesia di S.M.A.C.
E premio lo ser entrega riba Diamars, 5 di Maart 2019 despues di e “Old Mask Parade” den Aruba Carnival & Entertainment Village. Stichting Musica ta gradici S.M.A.C. pa nan colaboracion pa cu e premio di Best Dressed Band.
E criteria pa sali “Band of the Year 2019” ta disponibel riba e Facebook page di Stichting Musica tambe: www.facebook.com/Stichtingmusica. Stichting Musica semper ta habri pa inovacion y pa cambio unda ta necesario y cu ta beneficia tur e musiconan. E organisacion y directiva di Stichting Musica ta hopi orguyoso pa brinda e premio na “Band of the Year 2019”.
Stichting Musica ta desea tur bandanan cu ta participa hopi exito y un temporada di Carnaval 2019 fabuloso!
E banda mester a participa entre e siguiente parada nan di Aruba su Carnaval 2019 (no ta necesario
pa a participa na tur parada):
- – Parada di Luz na San Nicolas
- – Lighting Parade Oranjestad
- – Sunset Parade na Noord
- – Parada di Jouvert Morning
- – Parada Grandi di San Nicolas
- – Grand Parade Oranjestad
- – Na nos despedida di Carnaval “Old Mask Parade” na San Nicolas