MILAN, Italia – Bolsanan Europeo ta subi na inicio di e siman impulsa pa e subidanan di e papelnan di banco, despues cu Italia a acorda likida dos prestamista local, mientras cu e accionnan di Nestle a toca un maximo historico despues cu un inversor activista a instisti na realisa cambionan den e compania.
Italia a cuminsa diadomingo e likidacion di dos banco regional den un acuerdo cu por costa Roma hasta 17 miyon di Euro y cu a laga e activonan bon di e entidadnan den man di Intesa Sanpaolo.
E accionnan di Intesa a avansa un 3.6 porciento mientras cu e indice bancario di e zona euro a gana un 1,2 porciento.
E subida den e valornan bancario a impulsa e indice panEuropeo STOXX 600 y e valornan grandi di e zona Euro y ambos a suma un 0,7 porciento, mientras cu e Britanico FTSA a gana un 0.6 porciento.
Nestrle tabata situa como e protagonista di e subida di STOXX, cu un repunte di un 4,1 porciento. Third Point, di e inversor activista Daniel Loeb, a revela diadomingo un participacion di mas di un porciento, insisti na e grupo pa mehora nan margen, recumpra accionnan y na bende negoshinan no strategico.
E subidanan di Nestle a impulsa valornan como UniLever y Diageo, loke a hiba e indice Europeo di alimento y bebida na repunta un 1,9 porciento, na caminda pa su miho dia di aña.
E miho prijsnan di petroleo tambe a impulsa e sector di e energia, cu a registra e mayor perdidanan e aña, BP y Total di protagonistanan.
Fuente: http://lta.reuters.com