WASHINGTON, D.C., Merca- Banco Mundial a programa un pago adicional pa un periodo di cinco aña, entre 2021 y 2025. El a priminti e mita di e suma den inversion directo na paisnan den desaroyo.
Banco Mundial a anuncia un aniversario adicional den e lucha contra di e cambio climatico pa un suma di 200 biyon di dollar pa e añanan 2021- 2025. Mas o menos e mita di e suma aki lo wordo paga den financiacion directo, e comunicado di e entidad financiero a bisa.
Di e resto, segun AFP, cerca di e tercera parti lo yega na dos agencia afilia na BM y e resto lo wordo mobilisa via capital priva. E cambio ta representa un “ambicion significativo” di afronta e cambio climatico, “mandando un señal importante pa e comunidad mundial pa nan haci mesun cos”.
E anuncio ta coincidi cu e apertura di e cumbre climatico di ONU cu ta reuni na 200 nacion na Polonia. E ta forma parti tambe di un tendencia general di aumento di gasto pa mitiga e efectonan di e cambio climatico, ya cu e Organisacion pa Cooperacion y e Desaroyo Economico, a declara cu paisnan desaroya ta dispuesto na extende e gasto anual combina, publico y priva, destina na paisnan den desaroyo na 100 biyon dollar pa 2020. Aña pasa tabata di 56 biyon dollar.
Distribucion di gasto
“Si nos no baha e emision y nos no adopta awo, nos lo tin 100 miyon di persona mas bibando den pobresa pa 2030”, e gerente di Banco Mundial, John Roome, a bisa den declaracionnan na AFP.
Presidente ehecutivo di e entidad, Kristalina Georgieve, a destaca e urgencia di actua pa cu e aumento di e nivel di lama, e inundacionnan y e secura: “Nos mester lucha contra di e causa, pero tambe adapta na e consecuencianan, cu hopi biaha ta mas dramatico pa e personanan mas pober di mundo”. Segun e declaracionnan, e inversionnan lo focus den e infrastructura pa un agricultura climaticamente inteligente, gestion sostenibel di awa y e rednan di siguridad social.