Proximamente Banco di Caribe lo optimalisa nan sistema di BdC Online Banking p’asina ofrece clientenan un miho experiencia.
Pa por realisa esaki mester interumpi e servicionan di BdC Online Banking dia 17 di maart 2017 pa 5’or di atardi te dia 19 di maart 2017 te final di dia. Clientenan na Aruba cu tin cuenta bancario cu Banco di Caribe lo no tin acceso na e servicio di BdCOnline Banking.
Durante di e periodo ariba menciona, lo no ta posibel pa haci uzo di BdC Online Banking.
Entrante dia 20 di maart 2017 BdC Online Banking lo ta bek den servicio.
Unabes e optimalisacion ta completa, usuarionan lo por disfruta di un miho experiencia online. Ta posibel pa, entre otro, un cliente mes activa of blokia su tarheta di banco ora e ta bay den exterior. Tambe, e cliente mes por blokia of desblokia transaccionnan riba su cuenta si sosode cu el a perde e tarheta di banco. E optimalisacion lo haci posibel cu e cliente por aproba transaccionnan y pagonan den un biaha. Mescos cu pa clientenan empresarial e asina yama ‘bulk payment’ tambe ta posibel.
Banco di Caribe ta pidi disculpa pa e interupcion aki, pero ta sigura cu despues di e optimalisacion, clientenan lo disfruta di un miho experiencia riba e sistema di BdC Online.