Manera a keda anuncia siman pasa, Banco di Caribe a implementa un maneho cu lo brinda tur cliente mas espacio financiero ora cu esaki ta keda rekeri den e trayecto di COVID-19. Banco di Caribe ta conciente cu esaki ta un momento dificil pa henter nos comunidad y pensando riba esaki ta ofrece un moratorio di 3 luna riba pago di prestamo, incluyendo interes cu e cliente tin na Banco di Caribe.
Proceso di moratorio di 3 luna:
Pa haci e proceso mas liher Banco di Caribe lo implementa e moratorio di 3 luna automaticamente riba tur fiansa cu no tin mas cu 90 dia di pago atrasa. Esaki ta nifica cu fiansanan cu tin mas cu 90 dia di pago atrasa lo no bin na remarke. Ta haci un peticion na tur cliente cu no ta desea di haci uzo di e moratorio di 3 luna pa manda un e-mail na [email protected], prome cu dia 3 di aprel, 2020. Den e e-mail mester specifica nomber completo (Nomber dilanti y Fam), Number di usuario/ Number di cuenta y Pais di recidencia.
Pa mas informacion riba e proceso di moratorio di 3 luna por bishita www.bancodicaribe.com of por yama departamento di servicio na cliente di Banco di Caribe na telefon 523 2250 durante ora di oficina. Clientenan comercial por drenta den contacto cu nan account manager. Banco di Caribe ta sigui haci su maximo esfuerzo pa den e tempo dificil aki facilita bo necesidadnan bancario.